गोपनीयता नीति (Privacy Policy)

बाँसगढी नगरपालिका ("हामी", "हाम्रो", "नगरपालिका") तपाईंको गोपनीयता संरक्षण गर्न प्रतिबद्ध छ। यो गोपनीयता नीति तपाईंले बाँसगढी नगरपालिका मोबाइल अनुप्रयोग प्रयोग गर्दा जानकारी कसरी संकलन, उपयोग, र सुरक्षा गरिन्छ भन्ने विवरण दिन्छ।

यदि तपाईंलाई यस नीतिसम्बन्धी कुनै प्रश्न वा जिज्ञासा छ भने, कृपया तल दिइएको सम्पर्क विवरण प्रयोग गरी सम्पर्क गर्नुहोस्।

1. हामीले संकलन गर्ने जानकारी

A. व्यक्तिगत जानकारी

हामी तपाईंको पहिचान प्रमाणित गर्न तथा नगरपालिका सेवा प्रदान गर्न निम्न व्यक्तिगत विवरणहरू संकलन गर्न सक्छौं:

• नाम, उमेर, जन्म मिति
• सम्पर्क विवरण (जस्तै: इमेल ठेगाना)
• नागरिकता, ड्राइभिङ लाइसेन्स, राष्ट्रिय परिचयपत्र वा राहदानी विवरण
• फोटो वा तपाईंले अपलोड गरेका अन्य कागजातहरू

यी जानकारीहरू बाँसगढी नगरपालिकाका सेवाहरूमा पहुँच सुनिश्चित गर्नका लागि आवश्यक छन्।

B. अनुमतिहरू

अनुप्रयोगले निम्न अनुमतिहरू माग्न सक्छ:

1. फाइल पहुँच: प्रयोगकर्ताहरूलाई नगरपालिका फाइलहरू डाउनलोड गर्न अनुमति दिन
2. पुष सूचना: सेवा स्थिति, निवेदन अपडेट, वा गुनासो प्रगतिको जानकारी दिन
3. क्यामेरा: कागजात वा गुनासो सम्बन्धी प्रमाण फोटो खिच्न

C. प्राविधिक जानकारी

• प्रयोग भइरहेको अपरेटिङ सिस्टम
• स्थान वा IP ठेगाना संकलन गरिँदैन

2. तपाईंको जानकारी कसरी प्रयोग गरिन्छ

• सेवाका लागि तपाईंको योग्यताको प्रमाणीकरण गर्न
• गुनासोहरूको छानबिन र प्रक्रिया गर्न
• सेवा अपडेट वा नगरपालिका सूचनाहरू पठाउन
• अनुप्रयोगको कार्यक्षमता सुधार गर्न

नोट: हाल मोबाइल अनुप्रयोगमा भुक्तानी सुविधा छैन।

3. प्रयोगकर्ताले खाता मेट्न नपाउने कारण

• सेवा ट्र्याकिङ र सरकारी अभिलेखका लागि प्रयोगकर्ताका विवरण राख्न आवश्यक छ
• प्रमाणिक दस्तावेज, कानुनी प्रमाण तथा लेखापरीक्षणका लागि आवश्यक विवरणहरू

भविष्यमा नीति परिवर्तन भएमा तपाईंलाई जानकारी दिइनेछ।

4. डाटा सुरक्षाः

हामी तपाईंको डाटा सुरक्षित राख्न एन्क्रिप्शन, पहुँच नियन्त्रणजस्ता प्रविधिहरू प्रयोग गर्दछौं।

5. प्रयोगकर्ताको अधिकार

• आफ्नो व्यक्तिगत विवरण हेर्न र समीक्षा गर्न
• गलत विवरण सच्याउन अनुरोध गर्न
• हाम्रो डाटा प्रक्रियाबारे सोधपुछ गर्न

6. डाटा राख्ने अवधि

तपाईंको जानकारी आवश्यक सेवा पूरा नभएसम्म वा कानुनी आवश्यकताअनुसार राखिन्छ।

7. गोपनीयता नीतिमा परिवर्तन

कानुनी वा सेवा सम्बन्धी परिवर्तनहरूका आधारमा नीति अद्यावधिक गरिन सक्छ। महत्वपूर्ण परिवर्तनहरू तपाईंलाई अनुप्रयोगमार्फत जानकारी गराइनेछ।

8. सम्पर्क विवरण